پاکستان سٹاک مارکیٹ میں ایک اور تاریخ رقم، 100 انڈیکس نئی بلندیوں کو چھو گیا

کراچی: (آواز نیوز) پاکستان سٹاک مارکیٹ میں آج ایک اور تاریخ رقم ہوئی، 100 انڈیکس ملکی تاریخ کی نئی بلندیوں کو چھو گیا۔کاروباری ہفتے کے تیسرے روز کے آغاز سے ہی پاکستان سٹاک ایکسچینج میں 100 انڈیکس مثبت رجحان دیکھا جا رہا ہے اور ایک موقع پر 100 انڈیکس 854 پوائنٹس اضافے سے 96711 پر ٹریڈ کرتا دیکھا گیا جو کہ 100 انڈیکس کی اب تک کی بلند ترین سطح ہے۔یاد رہے کہ گزشتہ روز پاکستان سٹاک مارکیٹ میں 100 انڈیکس نے کاروبار کے دوران نئی بلند ترین سطح 96 ہزار 36 بنائی تھی۔کاروباری ہفتے کے دوسرے روز پاکستان سٹاک ایکسچینج میں کاروبار کا آغاز مثبت زون میں ہوا تھا اور بعدازاں پاکستان سٹاک ایکسچینج میں 100 انڈیکس 860 پوائنٹس کے اضافے سے 95 ہزار 856 پوائنٹس پر بند ہوا تھا۔یاد رہے کہ پیر کے روز کاروبار کے اختتام پر 100 انڈیکس 94 ہزار 995 پوائنٹس پر بند ہوا تھا اور سٹاک مارکیٹ میں 19 ارب 37 کروڑ 58 لاکھ 54 ہزار 288 روپے مالیت کے 37 کروڑ 78 لاکھ 88 ہزار 671 شیئرز کا لین دین ہوا تھا۔