ریاض: (آواز نیوز) سعودی عرب نے اپنی تہذیب و ثقافت کو سوشل میڈیا فورم ٹک ٹاک پر اجاگر کرنے کا فیصلہ کر لیا۔سعودی وزارت ثقافت نے ٹک ٹاک اتھارٹی کے ساتھ مفاہمت کی یادداشت پر دستخط کئے، سعودی وزارت ثقافت کے مطابق سعودی عرب شہریوں کی تخلیقی صلاحیتوں اور سماجی کردار کو دنیا کے سامنے نمایاں کرے گا، یہ اقدام ثقافتی حکمت عملی کے لیے سعودی ویژن 2030 کا اہم حصہ ہے۔سعودی وزارت ثقافت نے مزید کہا کہ معاشرے کے مثبت پہلو کو سامنے لانے کے لئے ڈیجیٹل ٹیکنالوجی کا استعمال اہمیت اختیار کر چکا ہے۔
