نیویارک ( آواز نیوز) لانگ آئیلنڈ کی ناسا کاؤنٹی کے ایگزیکٹو بروس بلیک مین نے لانگ آئیلینڈ میں پاکستانی امریکن کمیونٹی کی نمائندہ تنظیم پاکولی کی ممتاز سماجی شخصیت سابق صدر اور کمپٹرولر عذرا ڈار کو کاؤنٹی کے ہیومین رائٹس کمشن کا کمشنر مقرر کردیا ہے۔ عذرا ڈار اس عہدے پر فائز ہونے والی پہلی مسلم و پاکستانی امریکن خاتون ہیں۔ کاؤنٹی ایگزیکٹو آفس میں منعقدہ ایک پروقار تقریب میں عذرا ڈار کی تقرری کا اعلان کیا گیا۔کاؤنٹی ایگزیکٹو بلیک بروس مین نے عذرا ڈار کی کمیونٹی اور ناسا کاؤنٹی کے لیے خدمت کو سراہا ہے۔ عذرا ڈار نے کاؤنٹی کا ان پر اعتماد کرنے پر شکریہ ادا کیا اور عزم کا اظہار کیا کہ وہ اپنی ذمہ داری بخوبی نبھائیں گی۔
