لاہور (آواز آن لائن) ڈائریکٹر جنرل سپورٹس پنجاب عدنان ارشد اولکھ سے ازبکستان میں ہونے والے اوپن ایشیئن ماس ریسلنگ ورلڈ کپ 2021 میں میڈلز جیتنے والے کھلاڑیوں نے پیر کے روز نیشنل ہاکی سٹیڈیم میں ملاقات کی، ملاقات کے دوران ڈائریکٹر جنرل سپورٹس پنجاب عدنان ارشد اولکھ نے اورنگزیب، زین عمر اور محمد سعد کو ورلڈ کپ 2021 میں میڈلز جیتنے پر مبارکباد دی، اورنگزیب نے 87 اور زین عمر نے 50 کلوگرام کیٹیگری می چاندی جبکہ محمد سعد نے 60 کلو گرام کیٹیگری میں کانسی کا تمغہ جیتا۔
پاکستان میں ماس ریسلنگ میں کھلاڑیوں کی دلچسپی اور اس کا شوق بڑھ رہا ہے۔ پاکستان ماس ریسلنگ فیڈریشن نے بھی پچھلے کچھ عرصہ میں نوجوانوں میں اس کھیل کے لئے بڑھتے جوش و خروش اور شوق کو دیکھتے ہوئے ملکی سطح پر کھیل کے فروغ کے لئے احسن اقدامات کئے ہیں۔ ماس ریسلنگ کے مقابلے منعقد کروانے کے ساتھ ساتھ اس کی کوچنگ کی تربیت کے لئے بھی اہم اقدامات کئے گئے ہیں جس سے کھلاڑیوں میں شوق اور لگن مزید بڑھی ہے
