نیویارک( آواز آن لائن)امریکن پاکستانی ڈاکٹرز ایسوسی ایشن آف نارتھ امریکہ کے سرگرم کارکن ڈاکٹر آفتاب بیگ کے اکیس سالہ صاحبزادے زین بیگ کار حادثہ میں انتقال کرگئے ، کنٹکی لوئسس وول میں اپنے خاندان کے ساتھ رہائش پزیر ڈاکٹر آفتاب بیگ اپنے قریبی عزیز کی شادی کی تقریب میں شریک تھے جہاں خاندان اور دوست احباب کے دیگر بچے رات بھر جمع تھے ، وقوعہ کی علی الصبح زین بیگ گاڑی میں گھر واپس آرہے تھے کہ انکی کار کو حادثہ پیش آگیا جس کے نتیجے میں زین بیگ حادثے میں جاں بحق ہوگئے ہیں زین بیگ ان دنوں میڈیکل کالج میں داخلے کے لئیے ایم کیٹ کا امتحان دینے کی تیاری میں مصروف تھے، زین بیگ ڈاکٹر آفتاب کے دو بچوں میں دوسرے نمبر پر تھے مرحوم سے بڑی ایک بہن ہیں ، ڈاکٹر آفتاب اور انکی اہلیہ پر اچانک گزرنے والے اس حادثے پر انکے دوستوں رشتے داروں اور اپنا کے ممبران پر جیسے سکتہ طاری کردیا ہے. واضح رہے کہ اس سال جنوری میں اپنا کے ایک سابق صدر ڈاکٹر جاوید سلمان کے صاحبزادے بھی کار حادثے میں جاں بحق ہوئے تھے
