سان فرانسسکو(آواز رپورٹ)امریکی سینیٹ میں طویل عرصہ سے خدمات انجام دینے والی ڈیموکریٹ سینیٹر ڈیان فنسٹین(Dianne FinStein)نے سینیٹ سے ریٹائرمنٹ کا اعلان کردیا ہے.وہ اس سال نومبر میں دوبارہ الیکشن نہیں لڑیں گی.وہ امریکی سینیٹ کی تاریخ میں سب سے طویل عرصہ تک خاتون سینیٹر کی حیثیت سے کامیاب ہورہی ہیں.
سینیٹر ڈیان نے جو اس سال جون میں 90 سال کی ہو جائیں گی گزشتہ دنوں اعلان کیا تھا کہ وہ اس سال نومبر میں دوبارہ سینیٹ کا الیکشن نہیں لڑیں گی وہ 1992 سے سینیٹر چلی آرہی ہیں اس سال انہیں سینیٹ میں 31سال مکمل ہو جائیں گے.سینیٹر ڈیان نہ صرف اپنی جماعت بلکہ ریپبلیکن حلقوں میں بھی عزت و احترام سے دیکھی جاتی ہیں. انہوں نے 31 سالہ کیرئیر میں سینیٹ میں وقار کے ساتھ اپنے فرائض انجام دئے. تاہم پیرانہ سالی کے باعث وہ مذید الیکشن لڑنے میں دلچسپی نہیں رکھتیں. صدر جو بائیڈن، نائب صدر کمالا ہیرس اور اراکین کانگریس نے سینیٹر ڈیان کو زبردست انداز میں خراج تحسین پیش کیا ہے.
