نیویارک( آواز خصوصی رپورٹ)وزیراعظم عمران کے سابق معاون خصوصی شہباز گل ان دنوں امریکہ میں مقیم ہیں مختلف شہروں میں اپنے ساتھیوں سے رابطہ کرکے ان پر زور دے رہے ہیں ان کے اعزاز میں پروگرامز ترتیب دئیے جائیں۔ واضح رہے کہ پی ٹی آئی کے چئیرمین عمران خان نے انہیں نارتھ امریکہ میں میڈیا اور کمیونٹی سے تعلقات بڑھانے کے سلسلے میں خصوصی معاون مقرر کیا ہے۔شہباز گِل گزشتہ دنوں لٹل پاکستان کونی آئیلنڈ ایونیو( بروکلین ) میں چند دوستوں کے ہمراہ موجود تھے۔شہباز گِل کی امریکہ میں موجودگی اور نارتھ امریکہ میں عہدہ ملنے پر پی ٹی آئی امریکہ کی قیادت ناخوش ہےاور ان میں تحفظات پائے جاتے ہیں۔وہ استفسار کررہے ہیں کہ شہباز گل کو عہدہ کیوں دیا گیا ہے۔ شہباز گل کی امریکہ میں موجودگی اور سرگرمیوں سے متعلق مذید تفصیلات آئندہ شمارہ میں ملاحظہ کریں۔
