غزہ: (آواز نیوز) ماہ صیام کا تقدس پامال، غزہ پر اسرائیلی حملے تھم نہ سکے، اسرائیلی طیاروں کی غزہ پر بمباری سے ایک فلسطینی شہید جبکہ متعدد زخمی ہوگئے۔صیہونی فوج نے شجاعیہ میں فلسطینی گروپ کو نشانہ بنایا، اسرائیل کی نور شمس کے رہائشی کیمپ کی مسماری جاری رہی، فلسطینی شہری علاقہ چھوڑنے پر مجبور ہوگئے، اسرائیل نے مقبوضہ مشرقی یروشلم میں 3ہزار اضافی پولیس اہلکار تعینات کرنے کا اعلان کردیا۔فرانس، جرمنی اور برطانیہ نے غزہ میں انسانی صورتحال کو تباہ کن قرار دے دیا، یورپی ممالک نے اسرائیل پر زور دیا وہ انتہائی ضروری امداد کی فراہمی کو یقینی بنائے۔اسرائیلی پابندیوں کے باعث سیکڑوں فلسطینی شہری بنیادی خوراک اور امداد کے بغیر رمضان المبارک گزارنے پر مجبور ہوگئے۔
