ابوظہبی: پی ایس ایل کے کوالیفائر میچ میں ملتان سلطانز نے اسلام آباد یونائیٹڈ کے خلاف ٹاس جیت کر بیٹنگ کا فیصلہ کیا ہے۔ پاکستان سپر لیگ کے کوالیفائنگ میچ میں آج ملتان سلطانز اور اسلام آباد یونائیٹڈ مد مقابل ہوں گے، ابوظہبی میں کھیلے جارہے میچ میں ملتان سلطانز نے اسلام آباد یونائیٹڈ کے خلاف ٹاس جیت کر بیٹنگ کا فیصلہ کیا ہے جب کہ آج کا میچ جیتنے والی ٹیم فائنل میں پہنچ جائے گی۔کپتان ملتان سلطانز کا کہنا ہے کہ آج بڑا میچ ہے اپنا نیچرل گیم کھیلیں گے جب کہ کھلاڑیوں کو کہا ہے پریشر نہیں لینا اور اپنی گیم کھیلنی ہے، دوسری جانب کپتان اسلام آباد یونائیٹڈ نے کہا کہ ہمارا کمبینیشن اچھا بنا ہوا ہے لہذا میچ جیتنے کی کوشش کریں گے۔
