سان انتونیو: پاکستانی اداکارہ حرا مانی پاکستان میں سیلاب زدگان کی مدد کیلئے فنڈز جمع کرنے کیلئے امریکہ میں مصروف ہیں۔وہ اپنے شوہر کے ہمراہ انڈس ہستپال کے اشتراک سے سیلاب زدگان کے لئے چلائی گئی مہم میں شریک ہیں۔حرا مانی اور ان کے شوہر مانی کی ایک وڈیو وائرل ہے جس میں دونوں میاں بیوی امریکہ میں سیلاب زدگان کی مدد کے لئے منعقد کی گئی تقریب میں موجود ہیں۔
اس موقع پر تقریب میں ان کے مداح کثیر تعداد میں موجود ہیں اور انہوں نے اداکارہ کے ساتھ سیلفیاں بھی بنائیں۔حرا مانی سوشل میڈیا پر کافی متحرک ہیں اور وہ اپنی کوششوں کو سیلاب متاثرین کی مدد کیلئے استعمال کررہی ہیں۔
