نیویارک (آواز نیوز) اگرسکول مسلح ہوں گے تو کم محفوظ ہوں گے۔مریکی اساتذہ کے سروے میں غالب رائے سامنے آ گئی ۔ سوال یہ پیدا ہوتا ہے کہ کیا اساتذہ کسی حملہ آور کو اسلحے کے زور سے روک کر لوگوں کی جانیں بچا سکیں گے؟امریکی اساتذہ کی اکثریت کا خیال ہے کہ خود کو بندوقوں سے مسلح کرنا اسکولوں کو کم محفوظ بنا دے گا۔ واضح رہے کہ یہ سوال اسکول میں ہونے والی ہر شوٹنگ کے بعد قومی توجہ حاصل کرتا ہے۔ایجوکیشن ویک کے ایک ٹریکر کے مطابق، 2023 میں اب تک سکول کیمپس میں فائرنگ کے کم از کم 24 واقعات ہو چکے ہیں جن کے نتیجے میںلوگ زخمی ہوئے یا ان کی موت واقع ہوئی ۔ گزشتہ ہفتے، ملک کو ایک سال مکمل ہو گیا جب سے 19 طلبا اور دو اساتذہ کو اوولڈے، ٹیکساس کے ایک ایلیمنٹری سکول میں گولی مار کر ہلاک کر دیا گیا تھا، جو تقریباً ایک دہائی قبل سینڈی ہک ایلیمنٹری میں ہونے والی فائرنگ کے بعد سے ملک میں سب سے مہلک سکول فائرنگ تھی۔آر اے این ڈی کارپوریشن کی جانب سے اسکول کی حفاظت کے بارے میں کیے گئے سروے میں پانچ اساتذہ میں سے ایک نے کہا کہ وہ محسوس کرتے ہیں کہ اگر اساتذہ کو مسلح ہونے کی اجازت دی جائے تو اسکول زیادہ محفوظ ہوں گے۔اکثریت54فی صد نے سوچا کہ اگر اساتذہ کے پاس اسلحہ ہو تو سکول کم محفوظ ہو ں گے جبکہ 26 فی صد کا خیال تھا کہ اس سے کوئی خاص فرق نہیں پڑے گا۔
