نیویارک (آواز نیوز)42 ریاستوں کے اٹارنی جنرلز نے سوشل میڈیا ایپس کے لیے سرجن جنرل وارننگ لیبل کا مطالبہ کر دیا۔ ریاستوں نے میٹا اور ٹک ٹاک سمیت متعدد سوشل میڈیا کمپنیوں کے خلاف قانونی کارروائی کی ہے تاہم وہ مزید بھی کچھ کرنا چاہتی ہیں۔ 42 ریاستوں کا زیادہ پر متفق ہونا مشکل ہے لیکن اٹارنی جنرلز کے ایک دو طرفہ گروپ نے کانگریس سے مطالبہ کیا کہ سوشل میڈیا ایپس پر سرجن جنرل انتباہی لیبل کی ضرورت ہے تاکہ نوجوان بالغوں میں نشے اور ذہنی صحت کے بحران کو کم کرنے میں مدد ملے۔ کانگریس کو لکھے گئے خط میں کہا گیا ہے کہ بطور ریاستی اٹارنی جنرل، ہم بعض اوقات اہم مسائل کے بارے میں متفق نہیں ہوتے ہیں، لیکن ہم سب اپنے دائرہ اختیار میں بچوں کی حفاظت کے لیے ایک مستقل تشویش کا اظہار کرتے ہیں اور الگورتھم سے چلنے والے سوشل میڈیا پلیٹ فارمز اس حفاظت کو خطرہ ہیں۔ریاستوں کی تاریخی کوششوں کے علاوہ، یہ ہر جگہ موجود مسئلہ وفاقی کارروائی کا متقاضی ہے اور سوشل میڈیا پلیٹ فارمز پر ایک سرجن جنرل کی تنبیہ، اگرچہ اس مسئلے کے مکمل دائرہ کار کو حل کرنے کے لیے کافی نہیں تاہم یہ نقصان کے خطرے کو کم کرنے کی جانب ایک نتیجہ خیز قدم ہوگا۔
