جدہ( رپورٹ: عاصم ملک اعوان )سعودی عرب کے شہر ریاض کے ایئرپورٹ پر پی آئی اے کا ایک اور طیارہ روک لیا گیا اور ابتدائی معلومات کے مطابق ایئرپورٹ پر فضائی آپریشن معطل ہونے کے سبب پی آئی اے کی پرواز کو اڑان بھرنے کی اجازت نہیں دی گئی۔
تاہم مسافروں میں عدم یقینی پائی جا رہی ہے تفصیلات کے مطابق سعودی عرب کے شہر ریاض ایئرپورٹ پر اندرون و بیرون ملک جانے والی پروازوں کیلئے فضائی آپریشن نامعلوم وجوہات کی بناء پر معطل کردیا گیا معطل فضائی آپریشن کے سبب پی آئی اے کے علاوہ ائر بلیو کی پرواز بھی پاکستان روانہ نہ ہوسکی پی آئی اے کی ریاض سے پشاور جانے والی پرواز کو روک دیا گیا اور اڑان بھرنے کی اجازت نہیں دی گئی مسافروں کو طیارے کے بجائے ایئرپورٹ کے لاونج میں بیٹھایا گیا ہیں روانگی کی منتظر پاکستانی ایئرلائنز میں قومی ایئر کے علاوہ ایئربلیو بھی شامل ہیں ذرائع کا کہنا ہے کہ ایئرپورٹ پر فضائی آپریشن مبینہ طور پر سکیورٹی وجوہات کے باعث معطل کیا گیا ہے۔
