نیویارک (آواز نیوز)میگا ملینز پلیئر نے800ملین ڈالر کاجیک پاٹ جیت لیا۔ ریاستی لاٹری کے مطابق ٹکٹ شوگر لینڈ، ٹیکساس میں ہائی وے نائنٹی اے پر مرفی گیس اسٹیشن سے خریدا گیا تھا۔ریاستی قانون کے مطابق، ٹیکساس میں ایک ملین ڈالر سے زیادہ جیتنے والے انعام یافتہ افراد گمنام رہنے کا انتخاب کر سکتے ہیں۔چار دیگر خوش قسمت کھلاڑیوں نے پانچ سفید گیندوں سے میچ کرکے ایک ملین ڈالر کا انعام حاصل کیا۔ان چاروں کا تعلق نیویارک، کیلیفورنیا، فلوریڈا اور واشنگٹن سٹیٹ سے ہے۔نیویارک میں ٹکٹ ہولڈر نے ویسٹ پوائنٹ سے 15 میل شمال میں نیو ونڈسر کے گلف ایکسپریس گیس اسٹیشن سے لکی سلپ خریدی۔ خوش قسمت فاتح 800 ملین ڈالر سالانہ ادائیگیوں کا دعویٰ کرسکتا ہے یا 404.2 ملین ڈالرکی رقم کی ایک بار کیش ادائیگی کا انتخاب کرسکتا ہے۔
